امارت اسلامی ساعات کاری ادارات دولتی در سال 1402 را مشخص کرد

وزارت کار امور اجتماعی امارت اسلامی با نشر اطلاعیۀ ساعات کاری روزانه ادارات دولتی را در سال 1402 مشخص کرده است.

براساس اطلاعیۀ این وزارت که با امضای معین مالی و اداری این وزارت منتشر شده آمده است، ساعات کاری کارمندان اداره‌های دولتی در مرکز و ولایات برای نیمه نخست سال 1402 در روزهای شنبه الی چهارشنبه از ساعت 8:00 صبح الی 4:00 بعد از ظهر  و در نیمۀ دوم سال پیشرو از ساعت 8:30 صبح تا 3:30 بعد اظ ظهر تعیین شده است.

براساس این اطلاعیه، ساعت کاری ادارات در جریان ماه مبارک رمضان از ساعت 8:00 صبح الی 1:00 بعد از ظهر مشخص شده است.

همچنان این اداره ساعات کاری روزهای پنج‌شنبه را از ساعت 8:00 صبح الی 1:00 بعد از ظهر تعیین کرده است.  این وزارت همچنان از ساعت 12:00 تا 1:00 را در روزهای عادی وقفه ادای نماز و صرف غذای چاشت اعلام کرده است.

این وزارت همچنان ساعات کاری موسسات تولیدی، خدماتی، صحی، نشراتی معارف و تحصیلات عالی را در نیمه اول سال خورشیدی پیشرو هفته 40 ساعت و در نیمه دوم سال 35 ساعت در نظر گرفته است.