رییس ارتش پاکستان به هدف بحث روی امنیت افغانستان به تاجیکستان سفر کرد

نوشته شده توسط خامه پرس - ی سنبله ۰۵ ۱۳۹۶, ۳:۴۱ ب.ظ

رسانه‌های پاکستانی گزارش داده‌اند که رییس ستاد ارتش پاکستان با شماری از مقام‌های نظامی آن کشور به یک سفر سه روزه به تاجیکستان رفته‌است.

در گزارش رسانه‌ها آمده‌است که هدف از این سفر جنرال قمر بجوا، رییس ستاد ارتش پاکستان، بحث روی وضعیت امنیتی در افغانستان با مقام‌های تاجیکستانی و چینایی می‌باشد.

ارتش پاکستان با نشر اعلامیه‌یی سفر اقای بجوا را به تاجیکستان تایید می‌کند و می‎افزاید که در بخش‌های هم‌کاری‌های نظامی، آموزش نظامیان تاجیکستانی و فن‌آوری نظامی با مقام‌های تاجیکستانی نیز در این سفر گفت‌وگو خواهد کرد.

گفته می‌شود که یک مقام ارشد از دولت چین نیز در شهر دوشنبه به منظور گفت‌وگو با مقام‌های پاکستانی و تاجیکستانی خواهد آمد.

خبرنامه در مورد سفر جنرال قمر بجوا، رییس ستاد ارتش پاکستان ارایه نکرده‌است.

گفت‌وگو مقام‌های مقام‌های پاکستانی، چینایی و تاجیکستانی درحالی در مورد افغانستان صورت می‌گیرند که ناامنی و انجام حمله‌های انتحاری و انفجاری در این اواخیر در کابل و شماری از ولایت افغانستان افزایش یافته‌است.

تنها در یک حمله انتحاری که به روز جمعه در مسجد امام زمان در کابل صورت گرفت، ده‌ها تن کشته و زخمی شده‌اند.

پس از وقوع حمله انتحاری درمسجد امام زمان در خیرخانۀ کابل، گروه داعش با نشر اعلامیه گفته‌است که این کار آنان بوده‌‌است.

خبرگزاری خامه پرس - فارسی | خبرهای داغ از افغانستان، منطقه و جهان را دنبال کنید با تویتر, فسبک. و آر اس اس